لا .. انا متفقتش على كده !!
انا كنت عاوز .. انا اصلي نزلت عشان .. صدقوني مش ده اللي اتفقنا عليه !!
انا عاوز ارجع مصر
انا قلت حرية وناديت باعلى صوت صوت حرية ووقفت في وجه الطغاة وقلت حرية .. ومخفتش ..وهما اللي خافوا مني
قتلوني اه .. جرحوني اه .. اعتقلوني اه
بس بردو مش ده اللي اتفقنا عليه !!
قلنا عيش كرامة حرية يسقط كل الديكتاتورية
انا فاكر يوم 25 يناير لا قبلها كمان يوم 14 يناير
لما سجدت لله وحمدته وانا فرحان وبتنطط
بعد هروب بن علي
وانتصار احرار تونس
وقلت احنا بنقلد الغرب في كل حاجة لبسهم وكلامهم وحركاتهم حتى ثقافتهم
طب ليه منقلدش تونس العربي ونعمل ثورة زيهم
احنا مش اقل منهم ولا احسن منهم في نفس الوقت
وكان حلمي زي كل احلام اخواني اللي نزلوا معايا في مصطفى محمود
انا كنت نازل ورجلي بتخبط في بعضها من القلق والخوف مش خوف اني اتقتل " فده حلم حياتي"
انما افشل ومبارك واعلامه يضحكوا علينا ويصدق في مقولته " خليهم يتسلوا "
واعلامه يمسكنا ويقطع فينا دوول عملاء ومأجورين ومشاغبين وبتوع مخدرات وشواذ
كنت خايف لا الحلم ميكملش والله مش عشاني ده عشان بلدي واهلي والاجيال الجاية
مكنتش عاوزهم يعيشوا اللي احنا عيشناه ولا يمروا باللي عانيناه
انا قابلت زمايل ليا اشتركنا في نفس الهدف هدف العيش والحرية والعدالة الاجتماعية
قابلتهم كانوا لسه طالعين "طازة "
سألتهم .. هيه ايه الاخبار الناس مبسوطة تحت ؟ مبارك اتعدم ؟ استرديتوا فلوسنا من بره؟
الداخلية طهرتوها؟ رفعتوا الحد الادنى للاجور؟ عملتوا مشاريع. الشباب العاطل طبعا شغال والدنيا فلة؟ والظلم انتهى
والمحسوبية والواسطى بلا رجعى؟ العدل ساد؟ صنعنا عربيات واسلحة ؟ امريكا بتعملنا الف حساب؟
البلطجية اتلموا؟ اكيد تزوير الانتخابات بح ها صح ؟
سكتوا .. ومحدش رد عليا .. زعقت فيهم وصرخت .ايه انتوا اتخرصتوا ولا تعبانين من المشوار زمش قادرين تتكلموا دلوقت!!
رد عليا واحد منهم ورأسه منحنية يكاد ينظر الي بطرف خفي
لا.. بس متزعلش
احنا كمان مصدقناش اللي حصل واللي بيحصل
الثورة اتباعت والخونة دخلوا بيننا والنخبة طلعت " قش"
والعسكر ضحك علينا وقتلنا وخان الدم وطلع ولاؤه لمبارك مش البلد
والاخوان عملوا صفقات وكلوا الليلة
بس بردو متزعلش
اخواننا تحت اقسموا انهم مكملين ومش هيبيعوا الدم والقضية
سكت شوية .. وبكيت
وقلت رجعوني تاني .. مش ده اللي اتفقنا عليه ولا نزلت عشانه
انا غلطان يا نفسي متزعليش مني
رجعوني بلدي وارضي
مش ده اللي اتفقنا عليه
حكاية شهيد
انا كنت عاوز .. انا اصلي نزلت عشان .. صدقوني مش ده اللي اتفقنا عليه !!
انا عاوز ارجع مصر
انا قلت حرية وناديت باعلى صوت صوت حرية ووقفت في وجه الطغاة وقلت حرية .. ومخفتش ..وهما اللي خافوا مني
قتلوني اه .. جرحوني اه .. اعتقلوني اه
بس بردو مش ده اللي اتفقنا عليه !!
قلنا عيش كرامة حرية يسقط كل الديكتاتورية
انا فاكر يوم 25 يناير لا قبلها كمان يوم 14 يناير
لما سجدت لله وحمدته وانا فرحان وبتنطط
بعد هروب بن علي
وانتصار احرار تونس
وقلت احنا بنقلد الغرب في كل حاجة لبسهم وكلامهم وحركاتهم حتى ثقافتهم
طب ليه منقلدش تونس العربي ونعمل ثورة زيهم
احنا مش اقل منهم ولا احسن منهم في نفس الوقت
وكان حلمي زي كل احلام اخواني اللي نزلوا معايا في مصطفى محمود
انا كنت نازل ورجلي بتخبط في بعضها من القلق والخوف مش خوف اني اتقتل " فده حلم حياتي"
انما افشل ومبارك واعلامه يضحكوا علينا ويصدق في مقولته " خليهم يتسلوا "
واعلامه يمسكنا ويقطع فينا دوول عملاء ومأجورين ومشاغبين وبتوع مخدرات وشواذ
كنت خايف لا الحلم ميكملش والله مش عشاني ده عشان بلدي واهلي والاجيال الجاية
مكنتش عاوزهم يعيشوا اللي احنا عيشناه ولا يمروا باللي عانيناه
انا قابلت زمايل ليا اشتركنا في نفس الهدف هدف العيش والحرية والعدالة الاجتماعية
قابلتهم كانوا لسه طالعين "طازة "
سألتهم .. هيه ايه الاخبار الناس مبسوطة تحت ؟ مبارك اتعدم ؟ استرديتوا فلوسنا من بره؟
الداخلية طهرتوها؟ رفعتوا الحد الادنى للاجور؟ عملتوا مشاريع. الشباب العاطل طبعا شغال والدنيا فلة؟ والظلم انتهى
والمحسوبية والواسطى بلا رجعى؟ العدل ساد؟ صنعنا عربيات واسلحة ؟ امريكا بتعملنا الف حساب؟
البلطجية اتلموا؟ اكيد تزوير الانتخابات بح ها صح ؟
سكتوا .. ومحدش رد عليا .. زعقت فيهم وصرخت .ايه انتوا اتخرصتوا ولا تعبانين من المشوار زمش قادرين تتكلموا دلوقت!!
رد عليا واحد منهم ورأسه منحنية يكاد ينظر الي بطرف خفي
لا.. بس متزعلش
احنا كمان مصدقناش اللي حصل واللي بيحصل
الثورة اتباعت والخونة دخلوا بيننا والنخبة طلعت " قش"
والعسكر ضحك علينا وقتلنا وخان الدم وطلع ولاؤه لمبارك مش البلد
والاخوان عملوا صفقات وكلوا الليلة
بس بردو متزعلش
اخواننا تحت اقسموا انهم مكملين ومش هيبيعوا الدم والقضية
سكت شوية .. وبكيت
وقلت رجعوني تاني .. مش ده اللي اتفقنا عليه ولا نزلت عشانه
انا غلطان يا نفسي متزعليش مني
رجعوني بلدي وارضي
مش ده اللي اتفقنا عليه
حكاية شهيد
ليست هناك تعليقات:
إرسال تعليق